9 BULAN

Pade kesemapatan kali ini aye mo bagi-bagi dikit tentang pangalaman aye di kampus tempat aye sekole, ye panggil aje Sekole Tinggi Menejemen Informatika ma Komputer Media Informatika Cendekia nyang dipendekin jadi “STMIK MIC” nyang skarang punye slogan “Sarjane Kudu, Kuliyeh Mahal Ntar Dulu” kurang lebih gitu dech …

Sebenarnye ade ape sie di sembulan bulan nyang lalu, gini cang… cing… nyak ma babe… benernya aye sekoleh disini tuh cume ngelanjutin aje dari sekoleh aye nyang dulu, nyang saranin aye buat ngelanjutin sekoleh di mari,,, ya,, “MIC” ini, dulunye aye pernah ambil jurusan “MI” bukan “Mpok Iim” pi “Menejemen Informatika” disekoleh aye nyang lama di STIE Paripurna nyang buke anak cabangnye di Jl. Arteri Cibitung, sayang disono cume nyediain prog. Profesional Atu Taun doang … jadinye aye dapet mandat,,, eh mandat,,, benernye amanat buat ngelanjutin di MIC ini, nyang guru-gurunya alias dosennya antara laen : Bang Praptomo, Bang Edi ma Mpok Dewi dech,,,,nyang skarang juga ngajar di “MIC”, singket cerita aye sekarang dah masuk semester 4 … di “MIC” ini, lumayan dech serba extra, kudu pinter ngatur waktu, ngatur istirahat ma nyang gak kalah penting kudu bisa ngatur ongkos kalo bahase kerennye biaye operasional gitu, maklumlah skarang sekolehnye lebih jauh dari nyang pertama, pi aye coba nyantai aja… pa lagi temen-temen disini orang-orangnye asik-asik sich kaya,,, siapa ya,,,,!!! Hmm… mba sarah, trus teh wati, mpok lili ma bang basuki dech,,, nyang skarang jadi atu tim ditugas ini, untunglah tuh orang-orang pade pinter, jadi aye merasa terbimbing di mari …. Makasih ye… semuanye…. Oh ye,,,, ada satu hal lagi nie nyang unik selama 9 bulan aye di “MIC” ini, 9 bulan kaya si mpok-mpok nyang mo beranak aje ye,,,, hehehehe,,, gini mpok, cang,,, cing,,, nyak ma babe, aye dah punye inceran cewek lo,,, ibarat buah, lagi aye cendekin nie,,, dari awal aye nginjekin nie kaki dimari, aye langsung terpesone ma gayenye nyang keren kalo bocah mude skarang manggilnya “Cool Men”,,, mungkin kate mak aye bener, cinte ma pandangan pertame,,, pie sayang dua ribu sayang, denger-denger sie,,, si mpok nyang aye incer nie dah punye gacoan alias cowok gitu,,,, yah,,, merana dech hati ini, pie gak ape-ape koq kate pepateh bilang : “ Selame ntuh janur kuning belum ngegelantung alias Ijab Kabul tuh belom terucap, ntuh cewek masih milik bareng-bareng kan”, sapa tau dia dah gak jalan lagi ma gacoannya kan aye bisa maju hehehe… pi gak kaya gitu kalo mang ntar kalo jodoh mah gak kemana, iye kan,,,, pengen tau siapa tuh si mpok yang gi aye incer,,,, tunggu dech ke episot berikutnye,,,, tenang aje,,, ade sambungannye koq…..

Dah dulu ye segores coretan cerita singkat aye selama 9 bulan di “MIC” ini, makasih buat semue,,,, cang,,, cing,,, nyak ma babe.